Jason  Yuen

幾年前去北海道滑雪，第一次感受到雪地嘅自由同美景，就完全愛上呢項運動啦！由嗰陣開始，我就想將呢份快樂傳畀更多人，於是成為咗滑雪教練。

我鍾意嘅係喺雪上自由滑行，邊滑邊欣賞周圍白茫茫嘅雪景，感覺超治癒。新手唔使驚，我自己都係由零開始，明白你哋嘅感受，一齊笑住跌住學，最緊要玩得開心。

希望透過滑雪，可以認識更多志同道合嘅朋友，一齊分享雪場故事，擴闊圈子。如果你係初學者，想試下呢份樂趣，歡迎搵我傾下，一齊去滑雪啦，到時雪場見！